فن تطياح

الجزء الأول
في هاذ الدومين أخااي كل واحد وطريقتو ولكن غادي نعطيك بعض الطرق اللي كتصدق مع الأغلبية ديال البناات
أنا عارف بأن بزاااف فاش كيبغي يدوي مع شي بنت ما كيعرفهاش كيتوتر، كيبدا قلبو يضرب بجهد، فمو كينشف، مهم أخي الى كيطرا ليك هادشي ما ديرش في بالك راه عادي جدا

أنا غادي نعطيك أفضل وأجمل طريقة باش دوي مع شي بنت فأي بلاصة سواء في الشارع أو ليسي أو شي حفلة المهم فينما كنتي !

أول مرحلة أخاي قبل ما تهضر معاها هي أنك تثير الانتباه ديالها، خاس الدرية تمرضها تولي كتفكر فيك ودايرا معاك البال، باش توصل لهادشي أنقوليك كيفاش

1- شوف فيها مزياااان حتى تحس بيك كتشوف فيها وبمجرد ما دور تا هي تشوف فيك أقلب راسك ودير بحالا تا حاجة ما كاينة ! هاذي ديرها غير مرة ولا جوج باش ننتقلو للمرحلة الثانية 2- التواصل بالعينين، شوف فيها مزيااان ومنين تشوف فيك شوف فيها شوية وقلب ثاني تا الدرية تنويها 3- دير راسك حشمان شوية، تكون مع الدراري يدويو معاك دير راسك ما مسوقش وكتشوف غير في البنت بحالا سااهي 4- ضرب ليها شي ابتسامة ديال شاروخان أخاي، بلا منوصيك تغسل سنانك مزيان لا تمشي طيحها بشي ريحة مقودة
دابا من بعد ما دير هادشي خاسك تهضر معاها وتمشي عندها وباش دير هادشي تبع هاذ شي لي غادي نقوليك :

1-تسنا اللحظة المناسبة، ماشي الدرية مريحة مع دارهم ولا كتاكل ولا شي لعيبة ونتا تقصدها لا ! اللحظة راه أهم حاجة ودير قبالك راه أحسن لحظة دوي مع البنت هي فاش تكون بوحدها !
2- ركز بزاف على لغة الجسد، منين توقف معاها وقف مزيان وابتسم وشوف فيها نيشاان متبقااش دور فراسك ولا تلعب برجليك ودي مطلوق عاادي
3 -من بعد هديك الهضرة الروتينية ديال شنو سميتك متشرفين اوداكشي خسك دير اهم حاجة وهي ... يتبع

منشورة في: ابداعات الفايكينغ